網紅的藏寶箱正經post 返我個 #隔離飯香 先，
同埋我要公佈有奬遊戲結果。
今晚個飯盒幾神奇，好好食，我又不知不覺食晒。
主菜，我以為係豉汁排骨，但原來都係鹵肉汁的朋友，
而個豬肉，比想像中腍，並且全部去晒骨，
我而家先諗起，喺台灣食到的肉，好少有骨落地，
全部都係乾乾淨淨就食完。
每個晚餐便當，其實都係四個伴菜，
再加一個主菜（肉），
而主菜旁邊又有少少伴主菜嘅伴菜，
總之就係。。。
都幾多功夫，而且幾有誠意。
今晚有兩粒嘢，我未食過，所以完全no clue.
如果要我估，我應該估一百次都估唔到，
佢係一粒炸芋蓉，內餡係䶢蛋黃碎，
有朋友答係「香酥䶢蛋肉鬆」，但呢粒內餡只係得䶢蛋，
即係原來係有呢個小食，而且唔少朋友都知道。
我話過估中係咩嘅網友，我會送一盒武松殿肉鬆酥俾佢，
Perry Ko, 麻煩你pm 我聯絡。
Search